منتدى كريم
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.


 
الرئيسيةالبوابةأحدث الصورالتسجيلدخول
 http://www.alahlytv.net/

 حصريا : موقع قناه النادى الاهلى تم تدشينة رسميا

بِسْمِ اللّهِ الرّحْمـَنِ الرّحِيمِ الْحَمْدُ لِلَّهِ رَبِّ الْعَالَمِينَ (1) الرَّحْمَنِ الرَّحِيمِ (2) مَالِكِ يَوْمِ الدِّينِ (3) إِيَّاكَ نَعْبُدُ وَإِيَّاكَ نَسْتَعِينُ (4) اهْدِنَا الصِّرَاطَ الْمُسْتَقِيمَ (5) صِرَاطَ الَّذِينَ أَنْعَمْتَ عَلَيْهِمْ (6) غَيْرِ الْمَغْضُوبِ عَلَيْهِمْ وَلَا الضَّالِّينَ (7)
موقع الازهر الشريف http://www.alazhar.gov.eg/
>لا اِلـهَ اِلاَّ اللهُ عَدَدَ الّلَيالى وَالدُّهُورِ، لا اِلـهَ اِلاَّ اللهُ عَدَدَ اَمْواجِ الْبُحُورِ، لا اِلـهَ اِلاَّ اللهُ و رَحْمَتُهُ خَيْرٌ مِما يَجْمَعُونَ، لا اِلـهَ اِلاَّ اللهُ عَدَدَ الشَّوْكِ و الشَّجَرِ، لا اِلـهَ اِلاَّ اللهُ عَدَدَ الشَّعْرِ وَالْوَبَرِ، لا اِلـهَ اِلاَّ اللهُ عَدَدَ الْحَجَرِ وَالْمَدَرِ، لا اِلـهَ اِلاَّ اللهُ عَدَدَ لَمْحِ الْعُيُونِ، لا اِلـهَ اِلاَّ اللهُ فِى الّلَيْلِ اِذا عَسْعَسَ وَالصُّبْحِ اِذا تَنَفَّسَ، لا اِلـهَ اِلاَّ اللهُ عَدَدَ الرِّياحِ فِى الْبَرارى وَالصُّخُورِ، لا اِلـهَ اِلاَّ اللهُ مِنَ الْيَوْمِ اِلى يَوْمِ يُنْفَخُ فِى الصُّور <br>   

 

 حسني مبارك في النكتة السياسية المصرية

اذهب الى الأسفل 
كاتب الموضوعرسالة
Admin
Admin
Admin


عدد المساهمات : 987
نقاط : 2924
تاريخ التسجيل : 12/11/2010
العمر : 50

حسني مبارك في النكتة السياسية المصرية Empty
مُساهمةموضوع: حسني مبارك في النكتة السياسية المصرية   حسني مبارك في النكتة السياسية المصرية Emptyالأحد فبراير 13, 2011 7:50 pm

حسني مبارك في النكتة السياسية المصرية
بسم الله الرحمن الرحيم

السلام عليكم



اشتهر أهل مصر بخفة الدم، والنكتة الظريفة، وبالطبع لم تسلم
الأوضاع السياسية من التندر و"التنكيت"، حتى أصبحت النكتة السياسية في مصر معياراً رسمياً لقياس الرأي العام المصري، حتى أنه يذكر أن تقاريراً كانت ترفع، وما تزال، من عهد عبدالناصر عن أهم توجهات الشارع بما فيها النكات المتداولة، بغرض.. تحليلها وتفسيرها!

وبالمثل، سنحاول هنا فى مصراوى سات "قياس الرأي العام" في مصر، بغرض ألتحليل والتفسير"، لعلنا نبلغ الأسباب في ثورة شعب مصر.. التى لم تسبق فى التاريخ


ونبدا


مرة اللاعب المصرى عبد الحليم علي، بعد ماتش مصر في نهائيات كاس افريقيا، بيميل على الريس حسنى مبارك وبيقوله: معلش يا ريس على ضربه الجزاء.. اللى ضاعت. قاله: مش مشكله يابنى! منا مضيع البلد كلها ومحدش قال حاجه



الرئيس حسني مبارك بالطيارة قرر يرمي 100 جنيه يفرح بها عائلة مصرية قالت زوجته: خليهم خمسينتين وفرح عايلتين قال ابنه: خليهم 25 وفرح أربع عوايل قال كابتن الطيارة: يا عم أرم نفسك وفرح 80مليون مصري




تلاته خرجوا فرحلة سفاري، واحد مصري والتاني صومالي والتالت أمريكاني، دخلوا كهف وناموا، وصحيوا بعد 300سنة! كل واحد فيهم قام رجع بلدة:
الصومالي شغل الراديو سمع: (الصومال لن تتنازل أبدا عن حقها الشرعي والتاريخي في ولاية نيوجيرسي)
الأمريكي شغل الراديو سمع: (سيدافع الجيش الأمريكي عن البلاد لآخر جندي!)
المصري شغل الراديو سمع: (إخترناه..وبايعناه.. .وعشان كده احنا اخترنااااااااااااااا ااااه!)




مبارك جمع شيخ الازهر والبابا شنوده، وقالهم: انا جمعتكم النهارده علشان اقولكم ان ابنى جمال هيبقى رئيس مصر سنه 2010 . قام البابا شنوده وقال: اللهم صلى ع النبى. شيخ الازهر قاله: انت كده اسلمت ياشنوده؟ شنوده قاله: ما هى حاجه تخلى الواحد يطلع عن دينه


مرة سيادة الريس حسني مبارك مد إيده في جيبه لقي 5 مليون جنيه!! فزعل قوي وخاف وقال إيه الفلوس دي؟ دي الفلوس دي حرام؟ فسأل أحد مساعديه فدله على طريق الشيخ طنطاوي رئيس الأزهر وقال له: اسأل الشيخ وهو يقول لك الحل. ما كدبش خبر وجري على طنطاوي وحكا له القصة فرد: 5 مليون بس إيه النزاهة دي؟ دي بسيطة خالص يا ريس ما تزعلش نفسك؟ كل اللي هتعمله هتروح وتطوف حول الكعبة 10 مرات. الريس راح لقي عمنا عاطف عبيد فقال له: أنت بتعمل إيه هنا؟ أنت هتلف كام لفة؟ عمنا عاطف:78 لفة. الريس: يخرب بيتك أنت؟ ده أنت خربت البلد!! عمنا عاطف: أنت جاي علي انا؟ روح شوف علاء ابنك جايب موتوسيكل وبقاله 3 أيام بيلف



مرة توني بلير و بوش و حسني مبارك في ماتش كوره، و همه بيلعبوا.. الكره وقعت في بحيره مليانه تماسح مفترسه. توني بلير امر واحد من الحرس بتوعوه انه ينزل يجيب الكره من البحيره.. الحرس قال له ماينفعش انزل علشان انا عندي ولاد و عايز اعيش و اربيهم. قام بوش امر واحد من الحرس بتوعه انه ينزل يجيب الكره من البحيره، برده اعترض، و قاله ماينفعش انزل علشان عندي ولاد وعايز اعيش و اربيهم. قام حسني مبارك امر واحد من الحرس بتوعه انه ينزل يجيب الكره من البحيره، العسكري مكدبش خبر راح قالع هدومه و نازل البحيره و فضل يصارع التماسيح و التماسح اكلت اديه و رجليه بس بعد كل ده جاب الكره. بيسألوه توني بلير و بوش: انت ليه نزلت مع انك عارف ان البحيره مليانه تماسيح مفترسه، قلهم: انا برضه عندي عيال و عايز اعيش و اربيهم!
الرجوع الى أعلى الصفحة اذهب الى الأسفل
https://kareem.catsboard.com
Admin
Admin
Admin


عدد المساهمات : 987
نقاط : 2924
تاريخ التسجيل : 12/11/2010
العمر : 50

حسني مبارك في النكتة السياسية المصرية Empty
مُساهمةموضوع: تابع **************   حسني مبارك في النكتة السياسية المصرية Emptyالأحد فبراير 13, 2011 7:58 pm

بجد مش ممكن دى من نتيجة الثورة
لاول مرة موضوع ليا فى مصراوى يدخله اكثر تلاتة بحبهم واتشرف بيهم
وهم اغنياء عن التعريف وانا سعدت جدا جدا بالردود الجميلة وحنكمل الموضوع
وده للتفريح عن النفس واظهار طيبة ونقاء ودم المصرى الخفيف حتى فى اسوأ الظروف
اللى متسجنش فى زمن عبد الناصر مش هيتسجن ابدا و اللى متغناش فى زمن السادات مش هيتغنى ابدا و اللى مشحتش فى زمن مبارك مش هيشحت ابدا"
مبارك : عارف يا ابليس ياخويا, انا عاوز اعمل في الشعب المصري حركه تطلع من نافوخهم
أبليس : طب هات ودنك وخد الفكره دي ....وش وش وش وش
مبارك : لالا يا ابليس الفكره دي مش نافعه , عاوز حاجه أشد
أبليس : طب خد دي ...... وش وش وش وش
مبارك : لالا , برضه مش نافعه , ايه يا ابليس انت بقيت خرع كده ليه , هات بقه ودنك وانا اقولك انا نويت اعمل فيهم ايه وش وش وش وش وش
ابليس : لا يا راجل حرام عليك !!



واحد اتحشر في زحمة المرور فلقى واحد بيخبطله على شباك السيارة، فتح الشباك و سأله عايز ايه. قاله : الرئيس حسنى مبارك خطفوه و الفدية 5$مليون دولار، و لو الفدية ماتدفعتش .. الخاطفين هددوا يدلقوا عليه بنزين و يولعوا فيه، و احنا بنجمع تبرعات .. تحب تشارك ؟ الرجل سأل: ' و في المتوسط الناس بتتبرع بكام' الرجل الثاني : ' من 5 الى 10 لتر بنزين





كان فى سرير المرض حينما أخذ يلقى بوصاياه الأخيرة لوزيره نظيف :
- وصيتك الحكم من بعدى يا احمد ..
- فى رقبتى يا ريس .. كله تمام والسلطة هياخدها جمال ..
( ثم راح فى غيبوبة .. أفاق منها بعد قليل )
- وصيتك الشعب من بعدى يا احمد .
- ما تخافش يا ريس .. الشعب ياكل الزلط ...
( ثم راح فى غيبوبة .. أفاق منها بعد قليل )
- احمد
- نعم يا ريس؟
- ماتنساش .. توكيل الزلط لعلاء



مبارك: أخبرنى بصراحة يا نظيف ولا داعى للمجاملة أو النفاق .
نظيف : أمرك يا ريس
الريس : أنا الأفضل ولا عبدالناصر؟
نظيف : انت طبعا يا ريس .. جمال مين اللى كان بيخاف من الروس !!
الريس : طيب أنا الأفضل ولا السادات؟
نظيف : سادات مين ياريس اللى كان بيخاف من الأمريكان!!
الريس : طيب أنا الأفضل ولا عمر بن الخطاب ؟
نظيف : انت طبعا يا ريس .. عمر بن الخطاب كان بيخاف من ربنا . انت لأ




عدل سابقا من قبل Admin في الأحد فبراير 13, 2011 8:07 pm عدل 1 مرات
الرجوع الى أعلى الصفحة اذهب الى الأسفل
https://kareem.catsboard.com
Admin
Admin
Admin


عدد المساهمات : 987
نقاط : 2924
تاريخ التسجيل : 12/11/2010
العمر : 50

حسني مبارك في النكتة السياسية المصرية Empty
مُساهمةموضوع: تابع ************   حسني مبارك في النكتة السياسية المصرية Emptyالأحد فبراير 13, 2011 8:01 pm


شهدت الفترة منذ بداية انطلاق «ثورة ٢٥ يناير»، إطلاق العديد من النكات السياسية والاجتماعية، التى عبرت عن الأوضاع التى عاشتها مصر، خلال تلك الفترة.
وتبارى الشباب الثائر فى ميدان التحرير وغيره من الميادين فى القاهرة والإسكندرية والمحافظات، إلى جانب المدونين وأعضاء الشبكات الاجتماعية على الإنترنت، فى إطلاق النكات اللاذعة و«الفوازير» السريعة، التى تحمل شكل أسئلة حول ما يجرى.
ومن بين النكات التى أطلقت خلال تلك الفترة ما تقول «يعنى إيه كوكا زيرو؟» وتكون الإجابة: «يعنى تبقى واقف فى لجنة شعبية بتحشش ويعدى عليك البوكس وتفتشه»، وتعددت نكات المصريين حول اتهامهم بالعمالة وأنهم يحملون أجندة أجنبية مثل «لو فعلا ميدان التحرير جمع الإخوان وأمريكا وحزب الله وحماس وإسرائيل وإيران وقطر وطالبان والقاعدة على هدف واحد يبقى أخيراً اتحققت معجزة السلام العالمى».
ونكتة أخرى تقول «رسالة من مواطن دعا إلى الثورة إلى الشخص صاحب الأجندة الذى يوزع ٥٠ دولار ووجبة كنتاكى: أنا كده حسابى ٥٥٠ دولار و١١ وجبة، لو ما أخدتهمش هسرق الأجندة»، أما بالنسبة لمظاهرات تأييد مبارك فقد انطلقت نكتة تقول «كنتاكى.. الراعى الرسمى للحملة الشعبية لتأييد الرئيس»، وقالوا أيضا «الراجل بتاع كنتاكى أبو دقن طلع إخوانى».
وتعليق آخر: «التليفزيون المصرى عمل دعاية لكنتاكى تغنيه عن تنظيم حملات إعلانية ٥٠ سنة قدام»، و«الشعب يتهم ثوار التحرير بأنهم يحملون جهاز أمريكى بلا أزرار خلفيته سوداء وعليه تفاحة مقطوعة»، وانتشرت نكتة حول استمرار الثورة لأكثر من ١٩ يوماً دون خروج الرئيس فقالت «نداء من طلبة الثانوية العامة إلى المتظاهرين.. على فكرة دى ثورة يعنى هندرسها فى كتاب التاريخ وكده طولت أوى انجزوا بقى»، ونكتة أخرى حول تأخر البيانات الرئاسية التى يعلن عنها التليفزيون مثل «التليفزيون بيقول البيان بعد قليل.. خايف يكون قصدهم سبتمبر الجاى».
وهناك نكتة أخرى تقول «شهود عيان فى أروقة وزارة التربية والتعليم تفيد بأنه قد تم تأجيل امتحانات الدور التانى إلى أجل غير مسمى، معللة ذلك بأن النظام سقط وعاوز وقت عشان يلحق يذاكر»، و«عقد الريس جلسة مع وزير الداخلية السابق حبيب العادلى، وقال له محتدا: منعت الحشيش يا فالح؟ أهو الشعب صحصح»، وسخر المصريون أيضا من نفاق الصحف القومية قائلين «الصحف القومية: ثورة ٢٥ يناير لم تكن لتنجح لولا توجيهات السيد الرئيس».
وحتى عندما نجح المصريون فى ثورتهم سخروا منها ومن أوضاع المنطقة العربية ككل، وحملت نكاتهم عن نجاح الثورة درجة من السخرية الممزوجة بالزهو والفخر فى آن واحد: «بعد جمعة النصر فى تونس وجمعة الغضب فى مصر قرر العقيد معمر القذافى إلغاء يوم الجمعة نهائياً»، و«الرئيس طلع فى بيان بيقول اللى حصل ده اتصور لو عايزين أذيع قولوا ذيع»، «فى يناير نجحت ثورة تونس، وفى فبراير نجحت ثورة مصر، الحكام العرب يقولون: ياااه السنة لسة طويلة أوى»، و«بعد فوز الشعب التونسى.. والاكتساح المصرى..مراسلينا بيقولوا إن اللعيبة فى الجزاير بيسخنوا ونازلين الملعب».
وامتد الأمر للسخرية من الأفلام المصاحبة للثورة من خلال «أفلام جيل الثورة: «أبى فوق الدبابة، عودة النت، المندس والأجندة، الرصاصة المطاطية لاتزال فى جيبى، فى بيتنا بلطجية، لا اختنق ولكنى استغيث، رد نتى، ستاتيس هزت عرش مصر، ليلة القبض على عز، عض بلدى ولا تعض نتى، جاءنا الرئيس التالى، نحن لا نرمى المولوتوف، مهمة فى ميدان التحرير، الريس عمر سليمان، حرامية فى لندن، البحث عن دستور».
وهناك نكات أخرى تلخص الثورة مثل «ثورة ٢٥ يناير.. أول ثورة إلكترونية وأول ثورة تبقى بميعاد سابق ومع ذلك الأغبياء يسيبونا نعملها، وأول ثورة يقطعوا النت بسببها»، ووصلت السخرية إلى مؤيدى الرئيس أيضا فقالوا «بيان هام من اتحاد الكورة المصرى.. أعلن الكابتن شوقى غريب نائب المدير الفنى.. عن تنحى الكابتن حسن شحاته من كل سلطات المنتخب.. ونقل كل سلطاته لاتحاد الملاكمة»، وانتهت النكات بالمزاح أيضا من رحيل الرئيس فقالوا «يا ريس احنا كنا بنهزر.. إرجع بقى».
الأمر لم يتوقف عند النكات فقط فقد أنشأ عدد من الشباب مجموعة من الجروبات على الموقع الاجتماعى «فيس بوك» مثل جروب «الراجل اللى ورا عمر سليمان»، الذى خصصه مؤسسوه للتساؤل عن الرجل الذى وقف غاضبا خلف عمر سليمان أثناء إلقاء بيان تنحى الرئيس، وما هى وظيفته ولماذا كان غاضبا بهذا الشكل، بل امتدت التعليقات على الموقع إلى طلب الاعتصام مرة أخرى على «فيس بوك» من أجل معرفة من هو هذا الرجل.
المصريون قاموا بالتقاط عدد من الصور وتصميم أشكال «جرافيك» أيضا للسخرية من الثورة المصرية مثل صورة توضح نشرة الأخبار فى التليفزيون المصرى تذيع وجود كائنات فضائية فى ميدان التحرير، وصورة أخرى توضح الفرق بين قنوات «الجزيرة» و«العربية» والتليفزيون المصرى من خلال ٣ صور مختلفة الأولى من الجزيرة وتحتها تعليق «الملايين يتظاهرون لإسقاط الرئيس»، والعربية «الآلاف يتظاهرون لإسقاط الرئيس»، والتليفزيون المصرى يبث صورة من ميدان التحرير وهو خاوٍ تماماً وتحته كتب «ميدان التحرير الآن».
الرجوع الى أعلى الصفحة اذهب الى الأسفل
https://kareem.catsboard.com
 
حسني مبارك في النكتة السياسية المصرية
الرجوع الى أعلى الصفحة 
صفحة 1 من اصل 1
 مواضيع مماثلة
-
» مقبرة حسني مبارك ٢.mp4
» حسني مبارك في حديث خاص مع بلال فضل
» مقبرة حسني مبارك ب15 مليون
» احمد فؤاد نجم يمصخر حسني مبارك
» لعربية تبث تسجيل صوتي للرئيس المصري السابق حسني مبارك

صلاحيات هذا المنتدى:لاتستطيع الرد على المواضيع في هذا المنتدى
منتدى كريم :: منتدى 25 يناير-
انتقل الى: